С днем независимости (16 декабря)

В категории материалов: 51
Показано материалов: 1-10
Страницы: 1 2 3 4 5 6 »

Сортировать по: Дате · Названию · Рейтингу · Комментариям · Просмотрам
Поздраление из категории "С днем независимости (16 декабря)"
0
Ендіктерді аралап еркін дүбір,
Алаулатты керемет көркіңді нұр.
Алақайлап аспанға атып тұрып,
Берекелі бастағы бөркіңді бір...
Қуан, қазақ!
Күн туды қуанатын!
 
Қазақ елі азат,
Қазақ жері азат,
Қазақ ері азат,
Бұдан нұрлы шақ бар ма?
Бұдан асар бақ бар ма?
Қуан, қазақ!
Күн туды қуанатын!
 
Әдіптеді арманды әуелгі үміт,
Кекете алмас қазақты жау ел күліп...
Тәуелсіздік туындай биік еңсең,
Кетті бүгін келмеске тәуелділік...
Қуан, қазақ!
Күн туды қуанатын!
 
Қазақ елі азат,
Қазақ жері азат,
Қазақ ері азат,
Бұдан нұрлы шақ бар ма?
Бұдан асар бақ бар ма?!
Қуан, қазақ!
Күн туды қуанатын!
 
Төрт түліктен майысып арқа, белдер,
Тойлап жатыр ой, қырда дарқан ерлер...
Танып жатыр, мойындап Қазақ Елін
Танығысы келмейтін тарпаң елдер...
Қуан, қазақ!
Күн туды қуанатын!
 
Қазақ елі азат,
Қазақ жері азат,
Қазақ ері азат,
Бұдан нұрлы шақ бар ма?!
Бұдан асар бақ бар ма?!
Қуан, қазақ!
Күн туды қуанатын!
Поздраление из категории "С днем независимости (16 декабря)"
0
Желтоқсанның желі, аязы, ызғары
Қанды мұзда талай қазақ сыздады.
Ұлт қамы үшін шыққан сол күн алаңға
Азап шекті қайсар қазақ қыздары.
 
Талай қазақ қыздарын да тоңдыра,
Талай қазақ гүлдерін де солдыра,
Ел билеуге алып келді Колбинді
Қазақ ұлы Қонаевтың орнына.
 
Егемендік – бұл елімнің елдігі,
Егемендік – барлық ұлттың теңдігі.
Егемендік – елін, жерін қорғаған,
Ербол менен Қайраттардың ерлігі.
 
Желтоқсаным – тәуелсіздік тірегі,
Желтоқсанды қадір тұтып тұр елі.
Есте сақтап ағалардың ерлігін,
Жүректерге сақтау керек үнемі.

Поздраление из категории "С днем независимости (16 декабря)"
0
«Не деген жайсаң ел еді!»
Әлемнің дейді бас иіп.
Кеңесі – мәйек, келелі,
Айтқанын тыңдар дос ұйып.
 
Болмасқа солай қақы не,
Тегіміз текті – Көкбөрі.
Сабырлы, салқын ақыл ие,
Бекзатты халқым, бектерім.
 
«Не деген байтақ жер еді!»
Әлемің десе таңдана.
Сатпайды жатқа тек елі,
Ұраны Мөде – маң дала.
 
«Не деген жомарт!» десеңдер,
Біздерде талай Атымтай.
Сыйыңа сый келсеңдер,
Адамдық арға салтым сай.
 
Талантты десең, елжіре,
Дарынын берген Тәңірім.
Күйлері – тарих, щежіре,
Орындау Тәңір өмірін.
 
Иманды десең діні де,
Тыңдаған айдан Құранын.
Өрелі өрлеу ілгері
Көрсетер әлі ұланым.
 
Әуезді десең тілдері,
Тыңдаған сөзін Үш Бидің.
Жаныңа дауа, кіл дәрі,
Рухтанып содан күш жидым.
 
Кім десең енді қазағым,
Шындығы қазір аңыздай.
Таныды әлем ғажабын,
Білікті жас та, абыз да.
 
Фараби сынды ұлы бар,
Қалайша біздер ұсақпыз?!
Тұлғалар талай табылар,
Келеміз текті ұстап біз.
 
Шынықтық, көрмей үгіліп,
Тамырдан алып тереңдік.
Үмітке жүрдік жүгініп,
Сенімнің жолы – ерендік.
 
Қандай ел десең қазағым,
Ойы – мұхит, тілі – бал.
Көңілі дархан, базарлы,
Жан дүниесін біліп ал.
Поздраление из категории "С днем независимости (16 декабря)"
0
Ел Тәуелсіздігінің 20 жылдығы құтты болсын! 
Құтты болсын тәуелсіздік мерекесі,
Мықты болсын елімнің керегесі.
Татту-тәтті халқымызға бақ қонып,
Кетпесін туған жердің берекесі.
Поздраление из категории "С днем независимости (16 декабря)"
0
Тұрсынхан Әбдірахманқызы
Қуан, жұртым 
Елдігіңді шет елдер мойындады,
Сан армандар іске асты ойыңдағы.
Терезесі тең елдер қатарында
Салтанатпен өтуде тойың-дағы.
 
Ұланың бар, ұрпағың, іргең берік,
Тағдырыңды тапсырған тізгін беріп,
Азаматтар ақтады сеніміңді
Талай істе танытты кемеңгерлік.
Поздраление из категории "С днем независимости (16 декабря)"
0
Сіздерді ұлық мереке – Қазақстан Тәуелсіздігінің 20 жылдығымен шын жүректен құттықтаймын!
Ынтымақты ұран, татулықты ту еткен бейбіт халқымыз осы уақыт аралығында толағай табыстарға жетті. Мемлекетіміздің қарқынды дамуы тұрақты саясат пен ішкі бірліктің арқасы.
Рухы биік, намысы берік бабаларымыздың ғасырлар бойғы асыл мұраты – азаттықты аялау, тағдыры ортақ тұтас халқымыздың татулығын сақтау біздің басты мұратымыз. Бірлігіміз бекем, тірлігіміз тиянақты болсын!
Тәуелсіздігіміздің тұғыры биік болғай!
Поздраление из категории "С днем независимости (16 декабря)"
0
Ата-бабамыз ғасырлар бойы армандап өткен тәуелсіз ел болу мәртебесін көру – бүгінгі ұрпаққа бұйырған зор бақыт. Осы қуанышымыз құтты, бақытымыз баянды болсын. Жаңа ғасырда қайта түлеген, жасарып, түрленген еліміздің тәуелсіздігі тұғырлы болғай!
Поздраление из категории "С днем независимости (16 декабря)"
0
Еліміздің Көкбайрағы бейбіт аспан астында желбіреп, әлемге таныла берсін!
Поздраление из категории "С днем независимости (16 декабря)"
0
Баршаңызға аспандарыңыз ашық, көңілдеріңіз шат, еңбектеріңіз жемісті болуын тілеймін. Әрқайсымыздың қажырлы еңбегіңізбен сүйікті Отанымыз – Қазақстан гүлдене көркейіп, нығая берсін!
Поздраление из категории "С днем независимости (16 декабря)"
0
Әр отбасына татулық пен ырыс-береке, Отанымыздың игілігі мен жарқын болашағы жолында жаңа табыстар тілеймін.
Мы в социальных сетях







Сообщества в данный момент находятся в стадии разработки.
Мини-чат

200
Это полезно
             Ежедневные курсы валют в Республике Казахстан          
Вы можете выбрать другой город, если город в информере погоды определен неправильно.